九龍華仁書院安省舊生會

Wah Yan College Kowloon Alumni Association of Ontario

Welcome to WYKAAO

Contact Us

1967 届畢業生慶祝中學畢業 50 週年重叙之歡迎晚宴大會司儀 葉奕羣 同學致歡迎詞

2017.11.04 九龍華仁書院 1967 届畢業生慶祝中學畢業 50 週年重叙之歡迎晚宴

舉行於香港九龍:警察體育遊樂會

由大會司儀 葉奕羣 同學致歡迎詞

尊敬的狄恒神父、校長、副校長、老師們、各位九龍華仁的老同學和家人丶各位來賓,大家晚上好!

我係葉奕羣,Larry Yip,係WYK 1967 Form 5A Arts 的同學,歡迎你地光臨!

囘想五十年前,香港社會經歷過一段動盪的時刻,但係我地嗰届嘅會考生,均抱住一個共同目標,就係要讀好書,考試成功,順利畢業。

之後,有部份同學出國留學,有部份踏入社會做事,有部份留喺母校,昇讀 Form 6 Form 7。最後,我地各奔前呈,踏上各人不同嘅人生旅途,各自精彩!

眨眼之間,我地經歷咗好多不尋常嘅變化,由麗的呼聲嘅有缐黑白電視年代,演變為衛星轉播,有彩色嘅電視;亦都由打字機進展為個人電腦同 Lap Top Computers,日常生活也添加咗微波焗爐 Microwave Ovens;喺通訊方面更有 大哥大手提電話嘅裝備,由 大水壺演變到今日多功能嘅 i-Phone X。其實,人類由騎馬代步,至到發明第一部汽車,足足花咗好幾千年時間,我可以大膽地講,我地呢一代,喺半個世紀之內,所經歴嘅演變和進步,比起我地阿爺嗰代,係極度快速,超越咗好多十倍。彈指之間,我地一群喺 1967 年中學畢業嘅華仁仔,已經由 Teenagers 昇级為一群 銀髮一族 Senior Citizens, with the exception of 李其英 who has no hair!

中學畢業五十年之後,我地今日有幸叙首一堂,可算係非常難得嘅缘份同機會。我地或者可以噉講,好多時候,機會係 人為既。所以,我要籍着呢個場合,代表大家衷心多謝好多位熱心嘅老同學,多個月前就组織咗一個筹備委員會,請各位 planning committee members: stand up and get recognized,接受大家嘅掌聲!

講到明今次係 reunion ,大家老同學叙舊,吃、喝、玩、樂,找尋昔日嘅童真。然而,我地除咗叙舊之外,亦要牢牢記住各位耶稣會神父,以及昔日諸位老師嘅循循善誘,教導我地書本以外嘅做人道理。佢地勞苦功高,我地永遠感謝佢地。

長話短説,Ladies and Gentlemen, allow me to announce: “Let the good times roll”!  Enjoy our 50th Year Graduation Reunion.

Thank you

You are here: Home Your Class Before 1970 Class 1967 1967 届畢業生慶祝中學畢業 50 週年重叙之歡迎晚宴大會司儀 葉奕羣 同學致歡迎詞